Прва помош за изгореници: Кришки домат и оцет за смирување на болките

Оцетот функционира како антисептик за помали изгореници и помага да се спречат инфекциите. Имајте на ум, советите во продолжение важат за оние помали повреди кога едноставно имате поднослива, но непријатна болка и црвенило. Доколку се работи за поголема изгореница, тогаш веднаш побарајте лекарска помош!

Дали некогаш сте се изгореле допирајќи тавче? Или ви прснало врело масло? Пликовите кои се појавуваат после тоа се изгореници од втор степен. Но, верувале или не, киселината во доматите е одлична за ублажување на болките. Плус тоа, доматите имаат и дополнителна предност: смируваат и ладат. Во продолжение ви донесуваме уште неколку домашни лекови кои може да ви помогнат при средбата со изгорениците.

Kиселината во доматите е одлична за ублажување на болките

Мед

Медот одамна е популарен лек за дезинфекција на рани и третман на помали изгореници. Кога ќе се нанесе на болното место, медот ја извлекува течноста од ткивото со што ефикасно ја чисти раната. Прво можете да го нанесете медот на газа , па потоа на раната. Менувајте ја газата три до четири пати на ден.

Сол

Изгорениците во устата може да се ублажат со испирање со солена вода на секој час. Измешајте половина кафена лажичка сол и 250 мл топла вода.

Оцетот функционира како антисептик за помали изгореници

Оцет

Оцетот функционира како антисептик за помали изгореници и помага да се спречат инфекциите. Растворете го оцетот со еднаква количина на вода и со течноста испирајте го изгореното место.

Ќесички чај

Танинската киселина која се наоѓа во црниот чај помага во „извлекување“ на топлината од изгорениците. Полијте две или три ќесички црн чај со ладна вода и добиениот чај нанесете го на мека крпа или пешкир. Нежно тапкајте го болното место. Вториот метод е да направите облоги од две до три натопени ќесички чај. Ставете ги на изгореното место и завиткајте со газа.