Први симптоми на бременост

Некои жени, но не сите, можат овие симпоми да ги доживеат само две недели по зачнувањето. Секоја бременост е различна, така што тешко е да се предвидат знаците, но важно е да ги следите и забележувате промените во телото.

Се прашувате дали сте бремени? Симптомите во првата фаза можат да вклучуваат:

  • Изостанување на менструацијата;
  • Чувствителност во градите;
  • Чувство на мачнина;
  • Засилен вагинален исцедок;
  • Замор.

Некои жени, но не сите, можат овие симпоми да ги доживеат само две недели по зачнувањето. Секоја бременост е различна, така што тешко е да се предвидат знаците, но важно е да ги следите и забележувате промените во телото. Раните симптоми на бременост како што се болка во градите, замор и чувство на мачнина мошне се слични со симптомите на ПМС, па заради тоа и многу жени не ги земаат здраво за готово. На жените главно прв знак за бременост им е изостанувањето на менструацијата. 

Изостанување на менструацијата

Ова е најочигледниот знак за бременост, иако на некои жени може и да им се случи крвавење во бременоста, но со помал интензитет и траење. Заради овие случаи најдобро е да се побараат дополнителни знаци за да бидете сигурни.

ПРВИ СИМТОМИ ПРЕД ИЗОСТАНОКОТ НА МЕНСТРУАЦИЈА:

Ако не можете да чекате до предвидениот датум за менструација, првите симптоми пред изостанокот на менструација најчесто се: spotting (имплантациско крвавење), зголемена базална температура, чувствителни гради, замор, мачнина, надуеност, засилена потреба за мокрење, аверзии кон одредена храна, несвестица, запек, главоболка, болки во грбот, засилено лачење плунка, метално чувство во устата, жед, краток здив.

Чувствителни гради

Тоа може да биде еден од најраните знаци на бременост. Присутно е чувство на печење или трнци во дојките, особено околу брадавиците. Ова се случува затоа што хормоните го зголемуваат дотокот на крв во градите. Вообичаениот градник станува непријатен, неудобен со поголемо чувство на триење од обично. Меѓутоа чувствителноста на градите ќе биде поизразена околу четвртата недела од зачнувањето.

Вагинален исцедок во бременоста

Уште еден ран знак за бременост е промената на бојата на вашата вулва и вагина. Таа е обично со розова боја, но се менува во црвеникава како што напредува бременоста. Таа промена е предизвикана со зголемувањето на количеството крв кое доаѓа во ткивото околу матката. Исто така, во раната фаза од бременоста може да забележите и промени во вагиналниот исцедок. Зголемувањето на исцедокот е нормална појава во бременоста, но ако забележите промени во бојата и мирисот, обавезно појдете на лекар.

Желба за храна

Во оваа рана фаза, веројатно, ќе дојде до промени во апетитот и желба за одредена храна. Понекогаш може да се јави и метален вкус во устата и чувствителност на мирисите на одредена храна. Хормонот на бременоста прогестеронот е заслужен за „подивувањето“ на апетитот. Меѓутоа тој ист хормон е залсужен и за зголемениот апетит непосредно пред менструацијата. Значи, зголемениот апетит не значи нужно дека во прашање е бременост. Меѓутоа, познатиот научен магазин Obstetrics & Gynecology меѓу првите симптоми на бременоста посебно го истакнува засилениот апетит и добивањето тежина. Иако некои жени овие симтоми ги припишуваат на бројните околни фактори (на пример, стрес, депресија) со текот на времето ќе сфатат дека станува збор за нешто сериозно, особено кога тука ќе се додаде и изостанувањето на менструацијата.

Мачнини

Еден од знаците на бременост може да биде и наглото губење апетит, особено ако почнете да чувствувате непријатност и утрински мачнини. Може да ви се случи одеднаш повеќе да не можете да ја поднесете храната која претходно сте ја обожавале. Утринските мачнини можат да се појават веќе втората недела од зачнувањето, иако главно се појавуваат од четвртата или шестата недела од бременоста. Мачнината може да се појави во кој било дел од денот, со или без повраќање Мачнините главно исчезнуваат до крајот на првото тримесечје.

СПОТИНГ – точкесто крвавење

Благото крвавење во раната бременост е познато и како имплантациско крвавење. До него доаѓа кога оплодената јајце-клетка се „вградува“ во матката, што обично се случува 10 до 14 дена после оплодувањето. Таквото крвавење се појавува во облик на неколку капки посветла, розова крв и брзо престанува. Може да биде придружено со благи грчеви.

Замор

Во раната бременост мошне веројатно ќе чувствувате константен замор. Тоа чувство трае отприлика до 12 недела. Исто така, е присутна и претерана емоционалност, односно во еден момент сте среќни и возбудени, а за неколку минути сте на работ на солзи. Иако заморот не е сигурен знак за бременост, тој е зачестен и оди рака под рака со утринските мачнини.


Понатаму, научникот Џон Ц. Личиардоне со своите колеги спровел студија објавена во магазинот American Journal of Obstetrics and Gynecology, а се осврнал на болките во  грбот кои, исто така, можат да бидат симптоми на бременост во раните денови. Заради ширењето и прилагодувањето на телото за претстојната состојба, жените неретко чувствуваат благи болки во грбот кои со напредувањето на бременоста се појасно се чувствуваат придружени со умор и исцрпеност. Иако многумина овој симптом го припишуваат на нешто друго, телото испраќа јасни сигнали кои жените главно ги сфаќаат дури после првиот ултразвук.


Зголемена потреба за мокрење

Зголемена потреба за мокрење особено навечер ова е еден од раните симптоми за бременост, кој може да се забележи уште пред очекуваниот датум за менструација. Ова се случува заради хормлоналните промени, како и зголеменото производство на крв заради што бубрезите работат посилно и побрзо го полнат мочниот меур.

Аверзија кон одредена храна

Во раната бременост трудниците можат да чувствуваат мачнина ако намирисаат одредена храна, може да е во прашање дури и храна која претходно ја обожавале. Аверзијата кон храна во раната бременост ја искусиле 85% од трудниците. Иако се уште не се знае точно што е причина за ова, се претпоставува дека е заради наглиот пораст на хормонот прогестерон, што се случува веднаш по зачнувањето, па така ова е еден од најраните симптоми на бременост.

Промени на расположението

Научната студија објавена во магазинот American Journal of Obstetrics and Gynecology вклучува и некои психолошки фактори, кои се, исто така, релевантни симптоми на бременост во раните денови. Хормоналните промени во телото не ги забиколуваат ниту оние невротрансмитери кои се поврзани со расположението, па така кај многу жени знае да се појави и намалено расположение и недостаток на енергија. Иако овие први симптоми на бременост пред изостанувањето на менструацијата на многу жени не им значат апсолутно ништо освен само секојдневен стрес, тие, исто така, се знак дека нешто се случува со вашето тело. Занемарувањето на психолошките фактори при откривањето на бременоста не е реткост затоа што луѓето недоволно се информирани за силните влијанија на хормоните врз однесувањето и состојбата на жените.



ТЕСТОВИ ЗА БРЕМЕНОСТ

Најсигурен знак за бременост е изостанокот на менструацијата. Ако ви доцни менструацијата, а досега не сте имале таков проблем, направете тест. Дури и ако биде негативен, после три дена тестирајте се повторно.




ПРВИ СИМПТОМИ – искуства на трудниците

Истражувањето кое го спровела American Pregnancy Association прашало група трудници кој е првиот симптом што го забележале. Одговорите се следните:

  • Изостанување на меструацијата бил првиот сигнал за 29 отсто од трудниците,
  • Мачнината била одговор кај 25 проценти од трудниците,
  • Чувствителноста во градите ја забележале 17 проценти од трудниците,
  • Невообичаен умор пријавиле 8 проценти од трудниците,
  • А спотингот само 3 отсто од трудниците го навеле како прв симптом на бременост.

Останатите симптоми (засилен апетит, чувствителност на мирис, ветрови, промени во расположението и сл.) поодделно добиле помалку од 2 отсто од гласовите на трудниците како прв симптом на бременост.