Пушачи, обрнете внимание на намирниците што ги чистат белите дробови

Студии покажале дека консумирањето на одредена храна му помага на телото да се ослободи од штетните материи во организмот.

ЛУК

На лукот му се препишуваат многу лековити својства. Го нарекуваат природен антибиотик, средство за отпушување на дишните патишта, моќно растение со антиканцерогено и антиинфламаторно дејство кое спречува габи и одредени вируси.

Содржи алицин кој ги уништува инфекциите на дишните патишта, а многу истражувања покажале дека е ефикасен помошник во чистењето на белите дробови на пушачите, но и на поранешните корисници на тутунски производи.

Лукот дава вкус на многу јадења, а најмногу лековити својства има кога се јаде свеж. Имајте предвид дека поголеми количини на лук не се препорачуваат на лица кои имаат проблеми со желудникот и дигестивниот систем.

ЃУМБИР

Многу лековити карактеристики има и ѓумбирот. Го зајакнува имунитетот, го подобрува варењето, ја намалува надуеноста, ги намалува воспалителните процеси во организмот и ги отстранува токсините од белите дробови и остатокот од телото, поради што се препорачува за (поранешни) пушачи.

Иако овој корен со арома на лимон потекнува од Југоисточна Азија, во последните неколку години се повеќе е присутен и на нашиот пазар. Од него најчесто се прави чај или се додава во здрави напивки, а може да се користи и како зачин за солени и слатки јадења.

Ѓумбирот е многу моќен. Не треба да се јаде повеќе од парче ѓумбир со големина од околу два сантиметри дневно. Ако не сте сигурни за правилната доза, консултирајте се со лекар или нутриционист.

Лукот содржи алицин кој ги уништува инфекциите на дишните патишта, а многу истражувања покажале дека е ефикасен помошник во чистењето на белите дробови на пушачите, но и на поранешните корисници на тутунски производи.

КУРКУМА

Вклучете ја куркумата во вашата исхрана, без оглед дали при рака имате свеж или зачин во прав. Некои студии покажале дека овој растителен вид го подобрува чистењето на белите дробови од штетни материи како последица на пушење или живеење во загадена средина. Покрај тоа, превенира болести на респираторниот систем.

Куркумата традиционално се користи за кари и други индиски јадења, подготовка на златно млеко и разни здрави смуди. За да уживате во антивоспалителните придобивки на куркумата, измешајте ја со малку црн пипер.