Преку неделата работите и се чувствувате исцрпено, но штом дојде викенд работите тргнуваат на подобро. А дека не зборуваме напамет, докажува и науката, која има свое објаснување зошто крајот на работната недела е најдобриот ден во седмицата.
Имено, експертите од Универзитетот во Рочестер спровеле истражување во кое секој работник морал да пополнува прашалници три пати на ден: наутро, напладне и навечер, и да ја оценува, односно мери својата психофизичка состојба.
Во прашалникот испитаниците требало да ја оценат состојбата на скала од еден до седум: ги оценувале позитивните состојби (среќа, задоволство, радост, уживање) и негативните состојби или чувства (анксиозност, бес, депресија). Покрај тоа, во оценувањето, исто така, влегле и физички состојби и симптоми како што се главоболки, дигестивни нарушувања, проблеми со дишењето итн.
Експертите тврдат дека викендот има терапевтски ефект врз сите, па дури и врз оние кои се многу среќни со својата работа. Што покажале резултатите? На крајот на неделата се оди на подобро. Самата помисла дека следните два дена се слободни предизвикува состојба на задоволство, без оглед на видот на работата којашто се извршува, без оглед на општите навики, возраста и примањата. Викендот предизвикува позитивни ефекти подеднакво и на жените и мажите, без разлика дали се во брак или во врска, дали се сингл или не.
Експертите тврдат дека викендот има терапевтски ефект врз сите, па дури и врз оние кои се многу среќни со својата работа. И не се работи само за психолошки подобрувања. Од резултатите на истражувањето се дознава дека се подобрува и физичката состојба – во петок навечер исчезнуваат сите болки во стомакот, главоболки, проблеми со дишењето и чувство на премореност. Веројатно, станува збор за едноставна теорија за автодетерминација, односно сознание дека сопственото слободно време може да се искористи како сакате и со кого сакате. Се разбира, сето ова го знаеме, но убаво е кога и науката го потврдува.
Заклучок: Да се работи преку викенд е исто како да вршите атентат врз сопственото здравје!
