Црниот дроб создава жолчка која е нужна за дигестија на храната, произведува енизми кои храната ја претвораат во енергија, одговорен е за детоксификација, одложување на гликогените и производство на крвни белковини.
Ракот на црн дроб е десети по честота меѓу малигните тумори, петта причина за смртност од малигните болести меѓу мажите и девети кај жените. Болеста е многу почеста во земјите во развој.
ШТО Е РАК НА ЦРН ДРОБ?
Здравите клетки растат, се множат и се заменуваат со страи коиизумираат. Понекогаш, овој процес трга погрешно и се создаваат нови клетки кои не му требаат на телото. Тие создаваат тумор, кој може да биде бенигнен или малигнен.
Бенигниот тумор не се шири на друго делови од телото и нема тенденција на враќање по операцијата.
Малигните тумори се многу поопасни. Клетките на ракот го напаѓаат и оштетуваат околното ткиво, а болеста може да биде опасна по живот. Клетките на ракот во телото може да се шират директно, преку крвниот или лимфниот систем.
Ракот кој почнува во клетките на црниот дроб е познат како примарен рак на црниот дроб. Повеќето настануваат во хепатоцитите (клетките на црниот дроб), па се познати и како хепатоцелуларни карциноми и малгни хепатоми.
Црниот дроб е орган на кој често се шират карциноми и од други делови на телото, вклучувајќи го дебелото црево, белите дробови и дојките. Во тој случај се работи за секундарен карцином.
КОИ СЕ СИМПТОМИ НА РАК НА ЦРН ДРОБ?
Ракот на црниот дроб е “тивок“ и во почетниот стадиум нема конкретни симптоми. Како ракот расте, може да ги предизвика следниве проблеми:
- Болка или нелагодно чувство на десната страна на горниот абдомен, а болката може да се прошири на грбот и во десната лопатка
- Отечена десна страна под ребрата
- Отекување на абдоменот
- Излив на жолчка
- Мачнина и губење на апетитот
- Намалување на тежина
- Слабост и чувство на целокупна немоќ
