Често зевање, летаргија, брзо заморување се само некои од симптомите кои ги чувствуваме во почетокот на пролетта, а ни ги носи т.н. пролетен замор. Со цел да го подигнеме нивото на енергија, ви предлагаме здрав и вкусен пијалак богат со витамини и минерали, кој ќе ве разбуди од зимскиот сон.
Витаминот Ц е еден од најголемите енергетски засилувачи, присутен во свежото овошје и зеленчук. Освен што помага при апсорпција на железо, витаминот Ц е вистинска ризница на здравје.
Потребни состојки:
- 4 поголеми листови блитва
- 1 изрендан морков со средна големина
- 1 цеден портокал
- 1 лажичка мед
- 2 лажички сок од лимон
- пола лажичка куркума
- неколку парченца свежо цвекло
- малку изрендан ѓумбир (по желба)
- 2 дл вода
- неколку коцки мраз (по желба)
Подготовка:
Ставете ги сите состојки во блендер или соковник, измешајте и уживајте во енергетската чаша полна здравје!
