Кога просечна личност ќе излезе надвор кога е студено, без ракавици, логично е прстите да и станат малку студени. Но, кај лицата кои патат од Рејноов синдром, реакцијата е многу екстремна, објаснува д-р Леј Бекер.Таа вели дека разликата најдобро се забележува кога ќе се допрат рацете на таа личност. Дури и кога е умерено ладно, нивната кожа станува бела, а рацете се мраз студени.
Пациентите кои имаат Рејноов синдром, рацете не се само студени и побелени, туку може да станат и сини, па црвени кога ќе почнат да се загреваат. Но, не е задолжително, рацете на болниот од овој синдром секогаш да ги променат сите три бои, ниту по тој редослед. Исто така, овие симптоми може да се јават и на други екстремитети, на ушите, носот, усните, па дури и брадавиците.
Доколку се забележат било кои од овие симптоми, па дури и ако само прстите се студени и болат, д-р Бекер советува да посетите лекар, од каде веројатно ќе треба да побарате мислење од ревматолог. Тој ќе утврди дали станува збор за Рејноов синдром, дали станува збор за примарен тип (и најчест) тип или за секундарен, што значи дека е предизвикан од некоја друга состојба.
ПРИЧИНИ
Кај примарната форма на болеста, генетиката игра клучна улога. Судејќи според податоците од Мајо клиниката, околу една третина од ливата кои патат од примарна форма на Рејноов синдром, ја наследиле оваа болест. Иако, кај секого може да се развие, овој синдром почесто ги напаѓа жените и најчесто се открива во адолесценцијата.
Кога станува збор за секундарна форма на Рејноов синдром, лекарите велат дека тоа најчесто е последица на оштетувања на нервите, повреда на раката или ногата, изложеност на одредени хемикалии, репетитивен стрес (како постојано куцање на тастатура или свирење клавир) и најчесто се јавува по 40. година од животот. Бидејќи секундарната форма е малку посериозна, д-р Бекер советува задолжителна посета на лекар, ако се забележат симптомите.
“Иако никој не може со сигурност да каже зошто тоа се случува, позната е една работа: студеното време може да доведе до стеснување на крвните садови, а ако боледувате од Рејноов синдром, артериите на прстите доаѓаат во состојба на вазоспазам, што значи дека крвните садови се стеснуваат и се ограничува протокот на крв до тие делови на телото“, објаснува д-р Бекер.
Во поголемиот број случаи, Рејноовиот синдром не е многу загрижувачки, но го зголемува ризикот од појава на смрзнување. При тоа, уште една работа која може да се случи е спазам. Доколку тие малите крвни садови доживеат спазам, крвта тешко стига до екстремитетите, а тоа може да резултира со отекување или одумирање на ткивото. Во некои случаи, циркулацијата во прстите може целосно да престане, оставајќи деформитет како последица.
