Ренот е природен антибиотик и се користи за јакнење на имунитетот

Свежиот рен содржи витамин Ц, а покрај него и калциум, калиум, магнезиум и етерични масла кои му даваат лутина

Ренот е лут корен, кој ја поттикнува работата на црниот дроб и го забрзува метаболизмот, па заради тоа се препорачува да се консумира со тешка храна. Најчесто се консумира свеж или како чај, а на нашите пазари е присутен речиси преку целата година.

Вклучувањето на ренот во редовната исхрана има многу предности, особено заради неговото богатство на витамини и минерали кои предизвикуваат повеќе продобивки за нашето здравје.

Свежиот рен содржи витамин Ц, а покрај него и калциум, калиум, магнезиум и етерични масла кои му даваат лутина. Познат е по својот силен мирис и вкус и кога се комбинира со масна храна го поттикнува метаболизмот со тоа што го стимулира лачењето на зелудочните и цревните сокови.

Ренот е и природен антибиотик со силно антибактериско дејство, па се користи за јакнење на имунитетот кај настинки, белодробни болести и кај инфекции. Помага и кај заболувањата на жолчката, црниот дроб, цревата и желудникот. Може да се користи како чај, но и како облог од рендан рен, кој се положува на болно место на кожата и се затвора со памучна ткаенина. Се користи кај пликови и изгореници.