Рецепт од само 4 состојки – спас од висок притисок!

Освен антиоксиданти, овој пијалак е преполн со калиум, пробиотици и диетални нитрати, кои се задолжени за намалување на крвниот притисок

Неодамнешните студии покажаа дека боровинките можат да бидат природна помош за намалување на крвниот притисок.

Заборавете го останатото овошје и побарајте го спасот во боровинките! Во магазинот „Academy of Nutrition and Dietetics“ неодамна беа објавени резултатите од студијата, кои покажуваат дека кај жените кои поминале низ менопауза за само осум недели консумација на боровинки, во просек, крвниот притисок се намалил за 5 отсто, а протокот на крв се зголемил за дури 69 проценти!

Причината би можела да лежи во флавоноидите, антиоксиданти кои го намалуваат и спречуваат воспалението. Не ви треба цела кофа со свежи боровинки, само една шолја замрзнати боровинки се сосема доволни, пренесува „prevention.com.“

Сок од боровинки и банани

Освен антиоксиданти, овој пијалак е преполн со калиум, пробиотици и диетални нитрати, кои се задолжени за намалување на крвниот притисок. Половина пијалак испијте за појадок, а остатокот земете го со вас на работа како меѓуоброк.

Потребни состојки (за две сервирања):

1 шолја замрзнати боровинки

1 исечкана банана

1 шолја немасен јогурт

1 шолја млад спанаќ

Подготовка: Ставете ги сите состојки во блендер се додека не се претворат во густа течност.