Луѓето кои уште од младоста се придржуваат до овие пет здрави навики можат да го продолжат нивниот животен век за дополнителни 10 години, тврди новото истражување од универзитетот Харвард.
Научници од Харвард направиле истражување на повеќе од 123 илјади испитаници за да проверат кои од здравите навики најмногу го продолжуваат животот.
Во текот на испитувањата, истражувачите пробале да утврдат колку ќе се продолжи предвидениот животен век доколку испитаниците се придржуваат кон здрава исхрана, внимаваат на нивната тежина, редовно вежбаат и не пушат и пијат.
Кога научниците го пресметале предвидениот животен век, забележале огромни ефекти од почитувањето на здравите навики. Споредено со луѓето кои не се придржуваат до овие здрави навики, испитаниците откриле голем пораст на предвидениот животен век. Мажите имале 12 години поголем предвиден животен век во однос на оние кои водат нездрав живот, додека на жените им се предвидувале 14 години подолг живот.
„Кога го почнавме истражувањето, беше очекувано дека луѓето кои водат поздрав живот ќе имаат подолг предвиден животен век. Но, не бевме ниту свесни дека резултатите ќе покажат толку голема разлика“, вели Мер Стампфер, еден од авторите на истражувањето.
Петте здрави навики за кои се работи во истражувањето се наведени како: непушење, одржување на мастите во телото во нормалната рамка, вежбање барем 30 минути дневно, пиење на само една чаша вино за жени или две чаши за мажи, и внесување на голема количина овошје и зеленчук.
Мажите и жените кои се придржуваат до овие навики имаат 82 проценти помал ризик од срцеви заболувања и 65 проценти помала шанса да умрат од рак, во споредба со оние кои водат нездрав живот.
