Потребни состојки:
- 4-5 големи јаболка
- 1 шолја овесни снегулки
- 2 шолји вода
- 2 лажици јаворов сируп
- 1/2 лажичка цимет
- 2 лажици сушена брусница
- 2 лажици исечкани бадеми, ореви или лешници
Подготовка:
Загрејте ја рерната на 200 степени. Во тенџере на тивок оган измешајте ги овесните снегулки и водата и повремено промешувајте се додека не добиете густа, кремаста каша. Потоа додадете го јаворовиот сируп и циметот, па оставете да се олади.
Измијте ги јаболката, отсечете им го врвот и издлабете ги. Наредете ги во плехче за печење и со лажица наполнете ги со претходно приготвената смеса од овесни снегулки. Ставете ги во загреаната рерна и печете околу 35 минути, се додека јаболката не омекнат.
На крајот врз јаболката посипете брусница и јаткасти плодови. По желба прелијте ги јаболката со малку јаворов сируп.
