Најголем проблем за професионално и физички активните жени е да ја задржат својата тежина и да не натрупаат килограми и покрај факторите како што се бременост, физички замор, стрес… кои генерално водат кон неосмислено и лошо хранење. Затоа тие често се на диети, кои во крајна сметка се покажуваат како безрезултатни.
Околу 30-тата година жените се подложни на хроничен замор
Зеленчукот и мешунките што содржат скроб се неопходни за тонусот, но ретко се присутни во женското мени. Без оглед на препораките, грав, наут, леќа, грав, грашок и производи од жито (леб, шпагети, ориз) се консумираат во недоволна количина од страна на жените на оваа возраст. Затоа многу од нив се жалат на хроничен замор, особено во интервалот помеѓу 17 и 19 часот. Во таквите моменти, со цел да се залаже гладта најчесто се консумираат бисквити, чоколади или тестенини богати со масти. Јадењето во тоа време не е случајно, туку е резултатот на ручекот кој ако вклучувал само салата, нормално е жената да е гладна во доцните попладневни часови, а тоа доведува до намалување на тонусот. Затоа менито за ручек треба да биде по обилно, но во исто време и балансирано. Само така нема да се посегне по обилна вечера.
Рибата е исклучително корисна бидејќи е еден од главните извори на омега-3 киселината која телото не може самостојно да ја произведе. Типично, жените на возраст од 30 години целосно ја исклучуваат или не консумираат доволно риба и на тој начин несвесно се фокусираат на омега-6 киселините содржани во месото. Ова нарушување на нутрициониот баланс предиспонира кон чести промени во расположението и депресивни состојби.
Спротивно на популарните верувања, многу жени не го вклучуваат месото во менито за ручек. Месото е незаменлив извор на протеини кои на организмот му требаат напладне. Протеините помагаат подолго да се задржи чувството на ситост и на тој начин да се избегнува јадење на ужина и други грицки до времето за вечера. Недоволната консумација на протеини доведува до слабеење на имунитетот и до постојан замор. Се советува консумирање на минимум 100 г месо дневно.
Навиките го определуваат тонусот
Производството на естрогени ги штити коските од недостаток на калциум. Ова е причината зошто падот на нивото на естроген доведува до дополнителна потреба за калциум во телото. За да го забавите процесот, јадењето зеленчук и бадеми е задолжително, како и внесувањето на четири млечни производи на ден: 1 чаша свежо млеко наутро, 1/4 кисело млеко на ручек и на вечера и едно парче сирење во попладневните часови.
(Продолжува)
