Секојдневното консумирање на чајот ројбос или црвен чај е природен начин за превенција и ублажување на високиот крвен притисок. Исто така, содржи и полифеноли кои ги смируваат воспаленијата во организмот и го намалуваат ризикот од атеросклероза. Една од поактивните состојки во овој чај, хризоериолот, ја спречува активноста на одделни ензими за кои е познато дека влијаат на појавата на кардиоваскуларни заболувања. Хризоериолот ја поттикнува циркулацијата, а може да помогне и во регулирањето на холестеролот во крвта.
Уште важи и за напиток кој може да се консумира секојдневно доколку сакате на организмот да ми обезбедите мноштво антиоксиданти, кои го забавуваат процесот на стареење и ги штитат клетки во организмот од штетното дејство на слободните радикали. Содржи и помали количества на минерали како што се железо, калциум, магнезиум, цинк и манган кои поволно влијаат на имунитетот.
За разлика од црниот и зелениот чај, ројбос чајот не содржи теин ниту кофеин така што можете да го пиете во кој било дел од денот, па и навечер, без страв дека нема да можете да заспиете.
Ројбос чајот содржи и цинк и алфа-хидрокси киселини кои го подобруваат здравјето на кожата и ги ублажуваат проблемите со акните и мозолчињата. Благодарение на алфа-хидрокси киселините и високото количество на антиоксиданти кои го забавуваат стареењето на клетките на кожата, редовното консумирање на овој чај позитивно влијае на изгледот на кожата и го одложува појавувањето на брчките. Ројбос е богат со полифеноли кои ја одржуваат сјајна и косата. Овој чај, исто така, благотворно делува на севкупното здравје со тоа што го ублажува стресот и напнатоста и поттикнува мирен и релаксиран сон.
