Џвакањето мастики може да предизвика појава на брчки и линии на кожата.
„Повторувањето на фацијалните експресии како што се смеењето или мрштењето, со време остава траги на кожата, а претераното џвакање мастики исто така може да влијае на појавата на тие линии – особено во пределот над устата и тоа може да допринесе појава на брчки„, вели дерматологот Имоген Бексфилд.
Сепак, клучно во сево ова е претераното џвакање. Една гума нема долгорочно да влијаат на тексктурата и изгледот на кожата. Но, доколку тоа постојано го правите, тогаш може да има влијание. Дерматологот Мери Лупо изнела уште еден интересен факт. Таа објаснила дека гумите за џвакање може да го променат обликот на лицето.
„Зголемувањето на мускулите кои се наоѓаат од страна, а кои се користат при џвакање, која е уште една нуспојава од џвакањето, може да резултира со четвртаста вилица„.
Џвакањето мастики има и позитивни страни. Едно истражување покажало дека гумата за џвакање помага за подобро помнење, ја држи будноста, и помага при донесувањето одлуки. Некои веруваат дека причина за тоа е што со џвакањето се зголемува дотокот на крв во мозокот, иако тоа не е целосно објаснето, иако неколку студии докажале дека го подобрува помнењето за 24 до 36%. Постојат и некои докази дека џвакањето мастики може да помогнат во намалувањето на стресот.
Но, и покрај овие добри страни, сепак стручњаците предупредуваат дека не треба да се претерува со џвакање бидејќи може да доведе до пореметувањето на зглобот на вилицата. Тоа не е некој сериозен проблем, но може да предизвика болки во вилицата и проблеми при јадење или спиење.
Доколку често страдате од главоболка, можно е да бидете посклони кон мигрена и тензична главоболка, ако постојано џвакате гуми за џвакање, покажала студија од 2015 година.
