Ренот е коренест зеленчук кој најчесто се користи како зачин, односно додаток во јадењата. Овој лут корен содржи бројни растителни соединенија меѓу кои се глукозинолатите, кои се разградуваат во изотиоцијанати и кои можат да го заштитат организмот од карциноми со тоа што спречуваат раст на клетките на ракот.
Ренот има и антибактериски својства. Имено, лабораториски истражувања покажале дека алил-изотиоцијанатот од ренот ја уништува бактеријата ешерихија коли, потоа салмонелата, како и хеликобактер пилори.
Исто така, благодарение на карактеристичната лутина, ренот помага кај проблемите со синусите, носот и грлото и ја ублажува настинката и проблемите со дишењето.
