Само 8 индиски ореви дневно се доволни да „пукате“ од здравје

Индиските ореви имаат специфичен вкус, но се мошне богати со витамин Ц

Во продавниците секогаш ги наоѓаме исклучиво без лушпа затоа што под неа се наоѓаат токсични масла кои можат да предизвикаат изгореници во допир со кожата.

За лековитите дејства на индиските ореви секогаш се зборува во суперлатив. Добри се за лекување депресија, но и многу други здравствени проблеми. Ја содржат мошне важната аминокиселина триптофан задолжена за регулирање на расположението, таа уште го поправа однесувањето и го подобрува квалитетот на сонот. Доколку консумирате редовно индиски ореви ќе се чувствувате растоварени од стрес, без анксиозност и депресија. Две раце ореви содржат исто количество од оваа аминокиселина како и повеќето антидепресиви, само без несаканите дејства кои доаѓаат со нив.

Дегенерацијата на мускулите е еден од најголемите виновници за губење на видот кај Американците, дури и за катаракта и глауком. Индиските ореви содржат големо количество од антиоксидантот зеаксантин, кој се апсорбира во очите и им дава подобра заштита од штетните УВ зраци. Исто така, обезбедува и заштита од мускулните оштетувања типични за стареењето.

Во овој период кога владеат грип и настинки, индискиот орев може да биде ваш сојузник во јакнењето на имунитетот, а помага и во регулирањето на телесната тежина. Само една порција од 100 г ореви ви дава 30 отсто од препорачаната дневна доза витамин Б6. Има антисептички и антибактериски својства и се советува негово консумирање при настинки и грип.

За срцето се особено важни палмитолеинската и олеинската киселина со која изобилуваат оревите. Тие го намалуваат лошиот ЛДЛ холестерол и го зголемуваат нивото на добар холестерол ХДЛ. Со тоа се намалува ризикот од шлог, инфаркт и се намалуваат шансите за развој на болести на коронарните артерии. Добар е и за превенција од згрутчување на крвта и емболија, а го зајакнуваат и нервниот систем.

Иако мали, индиските ореви се одличен извор на калории кои сигурно ќе ви ја дадат неопходната енергија која е потребна за да се преживее денот. Богати се со витамини, минерали и се познати борци против сериозни заболувања, вклучително и ракот.