Ако сте љубител на слатките тогаш овој период од годината е посебно тежок за вас, затоа што едноставно е невозможно да им одолеете на деликатесите со кои сте опкружени. Работата да биде уште полоша претераното уживање во слатките залчиња не врти во маѓепсан круг во кој јадеме без престан и бараме де нешто слатко де нешто солено, па повторно од почеток.
Откако ќе се препуштиме на слатките задоволства шеќерот во нашиот организам се претвора во гликоза која влегува во крвотокот. Како одговор на тоа нашето тело испушта инсулин кој помага нивото на шеќер во крвта да се намали. Откако инсулинот ќе го одработи своето, шеќерот во крвта повторно паѓа, па после напливот на енергија следува голем пад заради што се чувствуваме исцрпено. Шеќерот кој нашиот организам нема да го потроши се претвора во масни наслаги.
Освен тоа заради преголемиот внес на слатко нивото на шеќер во крвта нагло расте и паѓа зарад што се јавува чувство на глад, како и желба за слатко затоа најважно е тој круг што е можно поскоро да се прекине. А еве како може да влијаете на него:
Јадете намирници богати со протеини и влакна
Стабилизирајте го нивото на шеќер во крвта со консумирање намирници кои побавно се варат, протеини и влакна. Ако тоа не го правите шеќерот во крвта нагло ќе падне заради што повторно ќе почувствувате глад, па ќе посакате да се најадете. Одличен избор се јаболката и јаткастите плодови, тврдо вареното јајце, хумусот или намазот од леблебија и зеленчук.
Вежбајте јога
Околу 80 проценти од луѓето велат дека јадат повеќе слатки кога се под стрес. Едно истражување на Универзитетот во Калифорнија покажало дека жените кога се под стрес најчесто посегнуваат по слатко. Јогата е одличен избор за контрола на стресот.
Јадете пробиотици
Неодамнешното истражување спроведено на Универзитетот Орегон стејт покажало дека лошите бактерии кои се наоѓаат во нашиот дигестивен систем се хранат со шеќер и можат да влијаат на когнитивните функции. Затоа кога следниот пат ќе претерате со шеќер спас побарајте во јогуртот, свежото сирење или пробиотските напитоци.
Пригответе нешто здраво за подоцна
Кога ќе претерате со слатки повеќе посакувате нездрава храна. Веројатно, сте забележале дека откако ќе се најадете слатки, веднаш посакувате да каснете нешто солено, а чипсот ви се чини како „совршен избор“. За да одбегнете такви ситуации обезбедете се навреме и фрижидерот наполнете го со здрави опции, во кои ќе можете да уживате без грижа на совеста.
