Нашите раце можат да откријат многу работи кога станува збор за нашето здравје. Различните промени на дланките и прстите можат да укажуваат на проблеми во други делови од телото, а овие знаци на предупредување не би требало да ги игнорирате. Следните симптоми можат да бидат предизвикани од специфични болести или недостаток на нутритиенти во организмот. Дали можеби некои препознавате и кај себе?
Недостаток на витамини
Ако почувствувате пецкање или штипење во рацете, тоа може да укажува дека не внесувате доволно витамини Б1, Б6, Б12 и Е. Единствен начин со сигурност да утврдите дали патите од недостаток на витамини е тест на крвта. Ако тестот е позитивен, докторот ќе ви препише соодветни суплементи.
Проблеми со циркулацијата
Вкочанетост на прстите на десната рака може да биде симптом на вкочанет нерв, но и знак за кардиоваскуларни болести.
Дијабетес
Пецкањето кое почнува во стапалата и се шири кон рацете може да биде знак за дијабетес. Причина е лошата циркулација, која доведува до оштетувања на нервните завршетоци.
Исцрпеност
Ако постојано кревате тешки предмети или го држите зглобот во неудобна положба, вршите огромен притисок на чувствителните нерви близу површината на кожата. Ова може да доведе до чувство на пецкање или штипење во прстите. Важно е да ги одморате рацете, како и доволно да спиете и да го намалите нивото на стрес.
Проблеми со ’рбетот
Оштетувањата на ’рбетот доведуваат до проблеми со нервните патишта, што резултира со симптоми кои се јавуваат на рацете. Овој проблем можете да го решите со зајакнување на мускулите на грбот со јога или пливање. Обидувајте се предолго да не останувате во седечка положба.
Синдром на карпален тунел
Многу луѓе имаат чувство на треперење или пецкање во рацете кога ќе легнат или одмораат. Ова доведува до вкочанетост и болка и укажува дека одередни нерви во рацете се оштетени и дека им е потребен соодветен медицински третман. Ако ги имате овие симптоми, посетете лекар што поскоро за да избегнете трајно оштетување.
Биргерова болест
Ако прстите ви се вкочанети и бели, дури и сини, можеби патите од Биргерова болест. Оваа состојба доведува до воспаленија на малите и средни крвни садови. Најчесто е резултат на прекумерно пушење, а во екстремни случаи бара и ампутација на екстремитетите ако болниот не престане да пуши.
Како што гледате нашите раце се првиот аларм за рано предупредување, на нашето тело, и би требало да посветиме внимание на сигналите кои ни ги испраќаат. Ако забележите некои од овие симптоми, посоветувајте се со лекар.
