Црниот дроб е најголемиот внатрешен орган во телото, клучен за варење на храната. Во него се филтрира крвта од цревата, се обработуваат и складираат хранливите состојки апсорбирани од цревата, се создаваат и по потреба се претвораат во енергија или во други состојки важни во изградбата на ткивата. Во црниот дроб се отстрануваат токсичните супстанци од телото, се создаваат состојки важни за нормално згрутчување на крвта, а овој орган е значаен и во одржувањето на нормални вредност на шеќерот во крвта.
Туморите на црниот дроб се појавуваат како резултат на неконтролираното растење на клетките кои вообичаено нормално го сочинуваат црниот дроб.
“Бенигните тумори се со бавен раст и обично не го загрозуваат животот на пациентот. Малигните тумори кои се појавуваат од клеките на црниот дроб обично се нарекуваат рак на црниот дроб, додека остантите малигни тумори на црниот доб кои се јавуваат од сврзното ткиво, крвните садови или жолчните канали се поретки. Во црниот дроб често се шират малигни тумори од дебелото црево, желудникот, панкреасот, дојка, бели дробови и други органи. Тие се нарекуваат метастазирани тумори“, објаснуваат гастроентеролозите.
Ракот на црн дроб е десети по честота меѓу малигните тумори, петти по причина за смрт кај мажите и девети кај жените.
Стручњаците велат дека ако болеста се открие порано (што успева кај 40% од болните), петгодишното преживување е околу 30%. Кај напреднатата болест која е проширена и на околните лимфни јазли или органи, петгодишното преживување е 11%. Најлоша е прогнозата кај оние пациенти со оддалечени промени (метастази), каде петгодишното преживување изнесува само 3%. Севкупното петгодишно преживување на болните од рак на црн дроб е 17%. Индивидуалниот тек на болеста може значајно да се разликува, па оттука на болниот не е можно со сигурност да му се каже колку долго ќе живее со оваа болест.
Важно е да се знае, напоменуваат лекарите, дека цирозата на црниот дроб, кое е трајно оштетување на овој прган предизвикано од разни причинители носи зголемен ризик од појава на рак на црниот дроб.
СИМПТОМИ
Болеста во почетокот не предизвикува никакви симптоми, но со постепено зголемување на туморот може да се јави подмолна болка под десниот лак на ребрата која се шири во грбот и кон лопатката. Се јавува и чувство на слабост и малаксалост и необјасниво губење од телесната тежина.
Понекогаш болниот може да сам да напипа творба како јазол под десниот лак на ребрата, што може да биде знак на присутност на тумот или зголемување на црниот дроб. Значаен број на пациенти знаат однапред дека имаат хронично воспаление или цироза на црниот дроб.
