Новиот, револуционерен метод за намалување на симптомите на ПМС на Алиса Вити, холистички тренер за здравје, користи само семиња, кои помагаат да се доведат во ред „подивените“ хормони пред менструација.
Експертката за холистички пристап кон здравјето и авторка на бестселерот „WomanCode“ ја открива својата метода на „seed cycling“, во која со помош на семиња (лен, семки од тиква, сончоглед), се доведуваат хормоните во рамнотежа, што резултира со успешно намалување на симптомите на ПМС.
Вити вели дека на овој начин може да се намалат менструалните болки, надуеноста и општото лошо чувство, кое не преплавува во овој деликатен период од месецот.
Што е „seed cycling“?
Техниката која ја користи Вити е холистички процес на ротација на различни видови на семиња во исхраната во текот на различните фази на менструалниот циклус.
Ленено семе – содржи лиганди (хемиски супстанции кои имаат естрогени својства и успешно ги ублажуваат симптомите на менопауза).
Семки од тиква – богати се со цинк, кој помага да се подигне нивото на прогестерон.
Сусам – исто така, содржи лиганди кои се врзуваат за вишокот на естроген.
Семки од сончоглед – богати се со селен, кој ја одржува функцијата на црниот дроб.
Со прецизен распоред, во зависност од фазата на менструалниот циклус, се комбинираат семињата за природна контрола на хормоните на следниов начин:
- во првата половина на менструалниот циклус (од првиот ден на крвавење па се до овулација) – на телото во оваа фаза му треба повеќе естроген за да се зајакне ѕидот на матката, па се препорачува на самиот почеток на циклусот да земете по една лажица мелено ленено семе и еден лажица семки од тиква секој ден.
- втората половина од менструалниот циклус (веднаш после овулацијата, па се до почетокот на новиот циклус) – сега на телото му треба повеќе прогестерон за да се задебели ѕидот на матката, па треба да се префрлите на една лажица мелен сусам и една лажица семки од сончоглед секој ден.
Обидете се, пробајте го овој холистички пристап, но внимавајте семето да е од органско потекло. Имајте на ум дека „seed cycling“ мора да се применува најмалку за време на три периоди за да се забележат резултатите, а доколку имате проблематични менструации, ендометриоза, фиброиди или синдром на полицистични јајници, најдобро би било да се посоветувате со доктор пред да ја испробате оваа метода.
