Шест начини како да го користите нането

Нането е стара лековите билка, која за овие намени се користела уште во 17 век

Нането е лековита билка која ги сузбива воспаленијата и инфекциите, го зајакнува имунитетот, помага при астма, алергии и дигестивни проблеми и го олеснува стресот. Оваа билка има диуретично дејство и го забрзува метаболизмот, што во крајна линија помага во процесот на губење на тежината. Нането е богато со флавоноиди и железо, а неговата способност за лекување се должи на ментолот што лади и дејствува анестетички.

Постојат безброј начини како да се искористат благородните својства на нането

  • Пилинг на нозете

Опуштете ги уморните и болни нозе со помош на нането. Комбинирајте 1 чаша морска сол, 1/3 чаша маслиново масло и 6 капки есенцијално масло од ментол. Солта ќе ги исчисти мртвите клетки од кожата, а ментолот ги смирува воспалените мускули.

  • Спречете го првутот

Направете регенератор од комбинација на нане и рузмарин. Неодамнешните студии покажаа дека го спречува создавањето на првут и ја стимулира циркулацијата, а истовремено ја прави косата да изгледа сјајна и бујна.

  • Намалете ја болката во стомакот

Намалете ги грчевите во стомакот со чај од нане. Ментолот докажано благопријатно делува на желудникот и цревата и ги смирува грчевите.

  • Намалете го апетитот

Една студија на универзитетот во Западна Вирџинија во САД покажа дека луѓето кои вдишувале есенцијално масло на секои два часа јаделе 23 проценти помалку калории од оние кои не го правеле истото.

  • Спречете ги комарците

Ако барате природен начин да се спасите од здодевните комарци, тогаш нането е идеално решение за тоа. Истријте го телото со свежи гранчиња нане, особено најизложените области, како што се вратот, нозете и рацете.

  • Нането како зачин

Нането е одлично како зачин во салати, супи, во јадења со зеленчук и освежителни пијалоци. Може исто така да се комбинира со колачи и овошја како лимон, ананас и диња.