Шест навики кои скриено дебелеат

Сите оние нови вкусови на кафе, кои на пазарот ги има се повеќе, а не се обично кафе, се можна причина за дебелеење.

Иако до сега не сте размислувале за тоа, а можеби и не сте забележале, дека тоа е причина за вишокот килограми, некои секојдневни навики може да  влијаат на бројката на вагата. Еве што најчесто саботира во одржувањето на идеална телесна тежина.

Модерни кофеински напитоци

Сите оние нови вкусови на кафе, кои на пазарот ги има се повеќе, а не се обично кафе, се можна причина за дебелеење. Фрапе, капучино (обично, но и оние со вкус), фрапучино и сл., се прават со полномасно млеко, имаат дополнителни засилувачи на вкус и веќе додадени шеќери. Се се тоа причини поради кои треба да се избегнуваат, доколку имате вишок килограми.

Јадење од нога

За жал, сите понекогаш не наоѓаме време во мир да седнеме и да јадеме. Ги извршуваме обврските пред себе и внесуваме во себе храна, за тоа и не сме свесни. Што е полошо, тоа го правиме во рок од 10 минути. Јадењето од нога е можна причина за дебелеење. Ангажирани со други обврски, не водиме сметка колку сме изеле и дали воопшто сме сити, па често доаѓа до прејадување.

Преголеми порции

Последниве години и на нашето подрачје забележано е како луѓето јадат се поголеми порции. Поголемата порција значи и повеќе килограми, помалата порција – помалку килограми. Логично, зарем не? Притоа, очекувано, не даваме преголема важност на течните оброци, овошјето  и зеленчукот, односно исхрана која е најздрава. Ако одеднаш се здебелите, водете сметка за бројот и големината на оброците и разновидноста на тоа што го јадете.

Брзи диети
Сите веќе знаеме дека во тоа нема среќа. Брзите диети имаат јо-јо ефект и многу се опасни по здравјето. Имено, ако наеднаш го намалите внесот на храна во организмот, телото (кое е под шок од она што се случува), ќе го успори метаболизмот за да складира енергијата. Освен што на овој начин повеќекратно му штетиме на телото, всушност ги поништуваме ефектите на диетата – а тоа е слабеење.
Прескокнување на оброците

На сите понекогаш ни се случува да прескокнеме оброк. Но, кога тоа ќе премине во навика, негативно се одразува, како на здравјето, така и на состојбата на вагата. Организмот поради тоа може да почне да ги складира мастите, бидејќи мисли дека ова е нов начин на исхрана. Затоа пробајте да јадете почесто, но помали количини на високохранливи оброци.

Надоместување преку викендите

Истражувањата покажале дека жените преку викендот сакаат да изедат повеќе. Таков начин на исхрана многу брзо ќе стане видлив на подрачјето на половината, бидејќи истражувањата покажале дека, преку викенд внесуваме повеќе масти во организмот. Ако на се се додаде и консумирањето алкохол, кој содржи празни калории и  поттикнува зголемена консумација на храна, доаѓаме до причините за проблемот.