Југот на Индија го потресоа насилни протести откако три жени се спротивставија на со векови старата забрана за влез на жена во хиндуистички храм. Тој храм е еден од многуте такви во Индија кои им бранат влез на жените со менструација, што е пракса која потекнува од верувањето дека жените и девојките се нечисти за време на циклус.
Исклучување од верските места
Жените се исклучуваат од верските места и обреди за време на менструацијата во многу делови од Азија, вклучувајќи ги претежно хиндуистичката Индија и будистичката заедница на Јапонија и Кина. На муслиманските жени ширум светот им се забранува влез во верски објект или учество во молитва за време на менструацијата. Минатата година на ученички од Гана им било збрането да поминат река додека имале менструација. Забраната наводно ја одредил локалниот бог на реката.
Девојките се ’бркаат’ од домовите
Во делови од Индонезија, Индија, Непал и во некои нигериски племиња девојките и жените за време на менструацијата се исфрлаат од домовите и често мораат да спијат во шталите.
Забрана за готвење
Суеверијата околу влијанието на менструацијата врз храната опстојуваат во многу делови од светот. Во Индија постојат верувања дека краставиците кои ќе ги допрат жени кои имаат менструација ќе почнат да скапуваат. Некои веруваат деко тестото за леб кое го допрела жена со циклус нема да нарасне.
Забрана за капење
Од Индија и Израел, па до некои европски и јужноамерикански земји на жените им се вели да не се капат или да не ја мијат косата кога се во циклус, затоа што ќе се разболат или ќе станат неплодни.
Без средување
На жените често им се советува да не се шишаат и да не ја бојадисуваат косата. На некои дури им се советува и да не се депилираат затоа што влакната можеле побрзо да пораснат, додека на други им се вели и да не ги сечат ноктите.
Подалеку од растенија
Некои култури им бранат на жените со менструација да не допираат растенија, цвеќиња или да не се движат меѓу посеви затоа што тие ќе овенеле. Во Индија, пак, не треба да се допира или полева босилекот кој се смета за света билка.
Подалеку од животни
Некои култури веруваат дека одредени животни како што се кучињата и коњите би можеле да се вознемират ако ги допре жена со менструација. Во делови од Индија и Непал девојките кои имаат менструација не смеат да допрат крава, која во хиндуизмот се смета за свето животно. Во некои племиња на Уганда на жените им се забранува да пијат млеко од крава заради верувањето дека со тоа би можеле да го заразат целото стадо.
Што е можно подалеку од мажи
На жените кои имаат менструација во многу конзервативни места од светот не им се дозволува да имаат каков било контакт со мажи или момченца. Ортодоксниот јудаизам им брани на жените контакт со мажи за време на циклусот, а во делови од Полска и Руанда се верува дека полов контакт со жена која има менструација може да убие.
Без вежбање
Вежбањето или бавењето со спорт, според некои верувања, може да биде штетно за менструалниот циклус на жената и нејзиното тело. Кинеската пливачка ѕвезда Фу Јанхуи во 2016 година откри дека на Олимпијадата во Рим имала менструација, со што урна големо табу и предизвика општа расправа во Кина.
Забрана за користење тампони
Девојките често се предупредуваат дека користењето тампони може да го оштети хименот, а тоа во некои конзервативни општества значи срам.
