Не е поентата да се натера детето да изеде супа со брокула додека е со вас на масата и додека на одреден начин може да влијаете на неговата исхрана. Многу е поважно детето да стекне навика за консумирање на зеленчук и да ужива во неговиот вкус.
Тешко е да се навикне детето на сосема нови и непознати вкусови. Еве како да се справите со оваа ситуација:
Најпрво, не правете драма поврзана со зеленчукот и не кревајте паника доколку детето го одбива. Но бидете упорни. Нека зеленчукот биде секој ден на вашата маса
Подгответе го зеленчукот на вашиот омилен начин и на начинот за кој мислите дека на вашето дете ќе му биде атрактивен.
Не заборавајте нешто многу важно. Вие сте му пример на детето, и кога ќе ве види вас дека јадете овошје и зеленчук, ќе му биде полесно и самиот да го прифати.
Додека се обидувате да го навикнете детето на зеленчук, сервирајте доста овошје со оброците. Обично, децата не покажуваат толку голема одбивност спрема овошјето, што е сигурен начин да ги внесе сите хранливи состојки во својот организам.
Ако вашите деца одбиваат да јадат свежи јаболка, портокали, грозје или банани, подгответе им вкусен овошен пијалак. Тоа сигурно нема да го одбијат.
