Што може да ви се случи ако внесете премногу диететски влакна?!

Треба да знаете дека ако претерате со храната богата со влакна или, пак, внесот на влакна нагло го зголемите може да дојде до надуеност, гасови, болки во стомакот, запек...

Дневната препорака за внес на диететски влакна изнесува од 25 до 35 г, а се проценува дека 90 отсто од луѓето преку исхраната не внесуваат доволно од овие нутритиенти. Недоволниот внес на влакна е почест, отколку преголемиот. Но треба да знаете дека ако претерате со храната богата со влакна или, пак, внесот на влакна нагло го зголемите може да дојде до надуеност, гасови, болки во стомакот, запек, но и дијареја, потоа до зголемување на телесната тежина, намалено ниво на шеќер во крвта, па и опструкција на цревата кај луѓето со Кронова болест.

Недоволниот внес на влакна е почест, отколку преголемиот.

Доколку сте внесле премногу влакна би требало да го зголемите внесот на вода, да ја прекинете употребата на додатоци во исхраната со влакна и да одбегнувате храна богата со влакна, да се движите почесто и да јадете само блага храна. Секако, зголемувањето на внесот на влакна треба да се одвива постепено баш за да се избегнат погоренаведените непријатни симптоми.

Во случај на појава на температура, мачнина, повраќање или потполна неможност за исфрлување на гасовите и столицата, неопходно е да побарате лекарска помош.