Што никогаш не јадат членовите на британското кралско семејство?

Во најпознатото семејство во светот се применуваат посебни правила кога станува збор за исхраната

ССте се запрашале ли некогаш како изгледа трпезата на најпознатото семејство во светот, британското кралско семејство? Секако, кралски, или со други зборови, нема што нема, од пиле млеко. Сепак, покрај „нормалната“ храна, постои и список на намирници кои членовите на британското кралско семејство никогаш не ги консумираат. Кои се тие?

Од страв од труење, морската храна е „недостапна“ за британското кралско семејство

Морски плодови

Ако јадете морска храна, тогаш имате привилегија која ја нема кралското семејство. Јастози, ракови и шкампи се едноставно премногу голем ризик за ова семејство. Причината, се разбира, е труење со храна. Крвавиот бифтек, исто така, е недостапен за нив.

Вода од чешма

Пред заминување во некоја странска земја, секогаш се советува да се пие флаширана вода – паразитите и бактериите од водата може да предизвикаат здравствени проблеми. Истите правила важат и за членовите на ова семејство – со единствена разлика што тие тоа го практикуваат без разлика дали се дома или во странство. Никогаш не пијат вода од чешма.

Кралицата не го обожава лукот. Напротив, тој е строго забранет во Бакингемската палата

Лук

Лукот е намирница која не се јаде во кралското семејство. И не само тоа, таа е потполно забранета! Водата и школките се забранети поради можноста за инфекција, а лукот е забранет затоа што така одлучила кралицата. Иако вистинската причина не е позната, според Џон Хигинс, поранешен готвач на семејството, веројатно, во прашање е стравот од лош здив.

Скроб

Оваа информација беше откриена од страна на поранешниот готвач Дарен Мекгради. Не се знае што е вистинската причина, но кралицата строго ја забранила употребата на скроб кога се подготвува храна за неа. Тестенини, ориз и компири никогаш нема да се најдат во чинијата на оваа позната дама.