Што се случува ако престанеме да јадеме бел леб?

Енергијата ќе порасне, варењето ќе се подобри, ќе го снема и постојаното чувство на глад

За многумина лебот е омилена намирница без која не може да го замислат денот. Но, исто така, оваа јаглехидратна бомба доаѓа во многу различни облици, од кои некои се штетни за нашето тело и линија.

Што се случува откако ќе престанете да јадете бел леб?
Ќе ги изгубите килограмите предизвикани од водата

Лебот е преполн со јаглехидрати, а наглото исфрлање на истите од прехранбените навики на вашето тело се забележува речиси моментално и тоа во форма на губење на килограмите. Но, не станува збор за инстант губење на тежината, туку за загуба на водата која се акумулира во телото.

  • Телото ги складира јаглехидратите во облик на гликоген, млечна киселина која собира вода. Секој грам јаглехидрати задржан во телото, задржува и врзува три до четири пати повеќе вода 

Повеќе нема постојано да бидете гладни

Преработените јаглехидрати, со кои е преполн белиот леб, во вашето тело предизвикува нагло растење, скок на шеќерот во крвта, кој потоа многу брзо опаѓа. Овие луди промени на мозокот му испраќаат нејасни сигнали кои го зголемуваат чувството на глад и желба за храна поради што се дебелееме.

Но тоа не значи дека треба целосно да го исфрлите лебот од вашата исхрана, туку празните калории и белиот леб да ги замените со оние направени од житарки со цели зрна, кои го регулираат и балансираат шеќерот во крвта.

Енергијата ќе порасне, а варењето ќе се подобри

За разлика од интегралниот или црн леб, белиот леб не содржи влакна кои се и тоа како потребни за нормална работа на цревата и варењето. Таквата храна предизвикува запек и проблеми со дигестивниот систем.

Откако ќе го исфрлите белиот леб од менито и во секојдневната исхрана ќе воведете житарки со цели зрна, варењето ќе се одвива нормално и лесно.

Исто така, јаглехидратите се храна и гориво за мозокот. Ако горивото e квалитетно, мозокот работи нормално, без пречки, но ако храната за мозок не е здрава, телото реагира негативно и се појавува чувство на омалаксаност и замор.