Научниците за потребите на истражувањето еден месец хранеле глувци со просечен „западњачки“ хамбургер: полн со многу шеќери, маснотии и со малку хранливи материи, влакна. После кратко време анализирале колкава штета со тоа им нанеле на телата на глувците. Со нездрава исхрана глувците добиле воспаление во телото кое наликувало на инфекција предизвикана со опасни бактерии. Енормно им се зголемил бројот на леукоцити во крвта, а научниците тврдат дека новонастанатата состојба била погодна за појава на дијабетес, а понатаму и за инфаркт и мозочен удар.
Нашето тело, значи, смета дека брзата храна е бактериска инфекција.
Покус животен век
Кога повторно јадеме брза храна, телото, односно одбранбениот механизам реагира уште поагресивно од првиот пат, односно претходно. Како и кај бактериската инфекција, телото останува во состојба на готовност за да може да реагира во случај на нов напад.
Кои трајни последици можат да настанат за човекот тоа научниците можеле да го видат на примерот на животните. Имено, тие умреле заради настанати срцеви заболувања веќе во период од осум дена. Тоа споредено со годините на луѓето би одговарало на временски период од 50 до 60 години…
