Балансираната исхрана богата со минерали и витамини е клучна за здравјето и на жените и на мажите, но според ситражувањето на научниците од Харвард школата за јавно здравје, и покрај фактот што двата пола имаат 95,5 % идентична ДНА, просечно мажите требаат поголем внес на калории дневно (околу 2 500), а жените околу 2 000 калории.
Објаснувањето лежи во разликата во метаболичките репродуктивни функции и структурата на телото. Жените во поголема мера треба да избегнуваат тестенини. Иако се советува дека јаглехидратите треба да бидат присутни 45 до 65 % во дневниот внес на калории кај двата пола, 12-годишна студија на Харвард школата за јавно здравје ја открила врската помеѓу лошото расположение и високото ниво на рафинирана храна, како што се белите тестенини.
Истражувањето покажало дека жените во поголем процент патат од депресија, а исто така, е откриено и делувањето на високото ниво на шеќер во крвта на нивото на естроген, што, исто така, може да влијае на расположението. Поради пониското ниво на калциум и фактот дека просечно имаат помала густина на коските од мажите и побрзо ја губат коскената маса, жените можат повеќе да уживаат во сирењето бидејќи така ќе ја намалат опасноста од остеопороза.
И мажите и жените треба да обезбедат 700 мг калциум дневно во исхраната, но научниците ги советуваат жените во менопауза да го зголемат дневниот внес до 1 200 мг за спречување на недостатокот на естроген.
Истражувањето покажало и дека иако темното чоколадо го зголемува квалитетот на крвта кај двата пола, сепак тој ефект кај мажите е многу посилен. По консумирањето чоколадо со најмалку 70 % какао, се подобрува функционирањето на тромбоцитите, што, пак, се поврзува со намалениот ризик од мозочен удар.
