Што треба секоја жена да знае за своите брадавици: Аларм за здравје

Влакната на брадавиците се нормална појава и почнуваат да растат за време на пубертетот. Меѓутоа, треба да се обрати внимание на зголемениот раст на влакната, бидејќи може да укажува на здравствен проблем како што е синдром на полицистични јајници

Секоја жена би требало еднаш неделно да направи самопреглед на градите, вклучувајќи ги и брадавиците, за да може навреме да ги забележи евентуалните промени на допир и во изгледот на градите и брадавиците. Во продолжение, седум факти за брадавиците што треба да ги знае секоја жена.

  1. Појави на брадавиците кои не смеете да ги игнорирате:

  • крв;
  • исцедок;
  • промени на кожата кои не поминуваат;
  • абнормални грутки;
  • мирис;
  • невообичаена болка.

  1. Ареолата ја опкружува брадавицата и кај секоја жена е со поинаков облик, големина и текстура. Ситните грутчиња на ареолата се сосема нормални, а нивната големина, како и број, може да варираат во зависност од температурата и количеството на влага. Бројот на грутчиња може да се менува, но ако забележите некоја нова грутка која не поминува, посетете лекар.
  • Бојата на ареолата може да се промени за време на бременоста, кога често потемнува. Таа појава е потполно нормална, како и тоа брадавиците трајно да останат потемни.

  1. Влакната на брадавиците се нормална појава и почнуваат да растат за време на пубертетот. Меѓутоа, треба да се обрати внимание на зголемениот раст на влакната, бидејќи може да укажува на здравствен проблем како што е синдром на полицистични јајници.
  • Исто така, во ред е да се отстранат влакната од брадавицата. Најдобар начин да го направите тоа, а да не ја изиритирате или оштетите и онака осетливата кожа на брадавицата е да се послужите со пинцета.

  1. Свраб на и околу брадавицата може да укажува на други здравствени проблеми, но најчесто не станува збор за ништо сериозно. Причина за чешање, исто така, може да биде и средство за туширање или градник. Ако чешањето не поминува или е придружено со болка и/или исцедок од брадавицата, посетете доктор.
  1. За време на менструацијата е нормално брадавиците да се болни и чувствителни на допир, а нивото на чувствителност зависи од жена до жена. Ако зголемената осетливост на брадавиците не помине по менструацијата, обратете се кај вашиот лекар. За време на менструацијата сосема нормална појава се болните гради.

  1. Додека доите нормално е да почувствувате болка или непријатност. Многу е важно за време на доењето да носите градник, кој ќе одговара на големината и обликот на вашите гради во тоа време. Добрата поддршка во текот на денот ќе ви помогне градите да ве болат помалку додека доите.
  1. Во менопауза е нормално брадавиците да се сушат и на нив да се појават мали пукнатини, бидејќи кожата ја губи еластичноста поради намалување на естрогенот. Негувајте ги брадавиците со хидратантна крема. Но менопаузата не мора да биде единствената причина за сувост на брадавиците и ако тоа ве загрижува, побарајте совет од лекар.