Што за вашето здравје зборува она што сте го наследиле од мајките?

Во некои случаи, истакнуваат стручњаците, погледот на мајката може да биде поглед на вас во иднина.

„Здравјето на вашата мајка често може да биде ‘кристална топка’ за она што може и самите да го очекувате, вели проф. Памела Пик, од Универзитетот Мериленд.

Но, не се само гените она што влијае на нас, бидејќи голема улога имаат и сопствените секојдневни навики. Еве кои генетски фактори влијаат на нас:

Обликот на телото

Имате масни наслаги околу стомакот кои многу ве нервираат и не може никако да се ослободите од нив? За тоа може да ја обвините вашата мајка. Студии покажале дека многу често ваквата телесна градба се наследува од мајките. Освен што не изгледа убаво, носи ризик од болести на срцето и дијабетес.

Здравјето на кожата

Ако во 30. ве мечат акни, за тоа, исто така може да ја обвините мајката. „Лицата кои имаат проблеми со акните обично имаат мрсна кожа, што е наследно„, објаснува професорката по дерматологија Дебра Џелиман. Утешително е тоа што лицата кои имаат мрсна кожа изгледаат помладо, бидејќи мрсната кожа побавно добива брчки. Лицата со посветла коса и сини очи, покажале некои истражувања, побрзо добиваат брчки. „Нивната кожа е потенка и имаат помалку меланин, па побрзо стареат„, објаснува докторката.

Ментално здравје

Истражувањата покажале дека ако вашата мајка или друг близок роднина пати од депресија, имате двојно или тројно зголемен ризик од развој на истата состојба.

Плодност

Само затоа што мајката го родила вашиот брат или сестра во 44. година, тоа не гарантира дека и вие ќе може да го направите истото. Сепак, постојат научни докази за тоа дека годините во кои мајката поминувала низ менопауза, најчесто се наследни, а тоа може да ви даде и некои насоки за вашата плодност. Исто така, студиите покажале дека склоноста на  спонтани абортуси може да бидат генетски условени.

Зглобови

Доколку вашата мајка имала проблеми со остеопороза, односно дегенеративни болести на зглобовите, постои од 40-70% можност да ја наследите. Неретко остеоартритисот на раце е поврзан со работата, но доколку го имате и во колената и колковите, постои голема веројатност тоа да е генетски.