Ова се сигнали дека страдате од средна криза. Речиси една третина од луѓето над 40 години во одреден момент доживуваат криза на средната возраст. Во тој период човек почнува да си ги поставува „големите“ прашања за значењето на животот, за целите, започнува да прави есап за она што го постигнал. Ова често води кон незадоволство и фрустрација. Погледнете некои од сигурни знаци дека страдаате од средната криза.
Се споредувате со помлади колеги/пријатели
Сигурен знак за криза на средната возраст е споредбата со помлади колеги, роднини и пријатели. Проценувате што тие постигнале и ги споредувате со вашите достигнувања. Нормално, во оваа фаза, човек се прашува дали тој постигнал доволно на професионален и на личен план. Си спомнувате за пропуштените можности и ова е причина за појава на негативни емоции. Наместо да се споредувате, обидете се објективно да гледате на сопствените достигнувања и да ги цените вашите лични успеси.
Правите драстична промена
Типичен знак за криза на средна возраст се големите промени. Во овој случај, излегуваме од клишето за скапи автомобили, ново момче… Станува збор за промени кои се невообичаени за вас. На пример, ако сте биле затворени и одеднаш сте во дискотеки секоја вечер. Ако сте штедлив човек и одеднаш трошите пари за скапи работи.
Се плашите од напредок
Откако ќе го достигнете и престигнете 40-тите и 50-тите години вие сте постигнале многу на личен и на професионален план. А, тоа значи дека имате и многу за губење. Откако ќе го разберете тоа, почнувате да се плашите да одите напред. Успехот ги крие своите ризици и во оваа фаза од животот го знаете тоа многу добро. Но запомнете дека на оваа возраст се уште имате доволно време да се развивате, а вашето искуство ве прави поспособни да се справите со сите тешкотии.
Ја губите страста
На оваа возраст, веќе знаете многу добро што можете да направите, во што сте многу добри. Но одеднаш ништо не ви е интересно. Се ви изгледа како досадна обврска и не гледате никаква смисла во ништо. Ако почувствувате дека запаѓате во таква апатија, потсетете се што сакате за да ја откриете страста кон работата или омиленото хоби.
Возраста ве плаши како цифра
Откако ќе наполните 40 или 50 години, мислите дека ви поминал половина од животот. Почнувате да правите рамнење на сметките и најмногу ги акцентирате негативните аспекти. Ова е често и од возраста во која здравјето помалку или повеќе се нарушува. Се заедно со внатрешниот дискомфор ве потиска. Ова е време да најдете ново хоби, да патувате со саканата личност и повторно да ја откриете радоста на животот.
Депресивни сте
Депресивните состојби имаат физички и емоционални манифестации. Можно е да се тажни и депресивни, да не сакате да се гледате со пријатели, добрите вести за блиските може да стане причина за лична фрустрација. Можна е и појава на физиолошки манифестации – недостаток на енергија, проблеми со спиењето, сериозно намален или зголемен апетит, необичен замор.
