Мислењето дека солената храна ја зголемува жедта одамна е раширено и многумина веруваат дека и навистина е така. Но неодамнешното истражување спроведено за време на симулацијата на мисијата на Марс покажало дека космонаутите кои внесуваат повеќе сол, всушност не се пожедни, туку погладни!
Научниците дури и утврдиле дека испитаниците кои внесувале 6 до 12 г сол дневно пиеле помалку вода, а преку урината излачувале повеќе сол.
Дополнително истражување спроведено врз глувци дало објаснување за зголемената потреба за храна, како и зголемениот внес на сол. Имено, за солта да се излачува без поголеми промени во количината на урината, кај глувците било забележано зголемено производство на уреа, што бара повеќе енергија и со самото тоа доведува до зголемен апетит.
