Симптоми на предозирање со витамин Ц

Вообичаено се споменува како најважен витамин кој мораме да го внесуваме ако сакаме да се заштитиме од многу болести, но дали сте знаеле дека може да биде и токсичен?

Силен имунитет и живот без настинки е првата работа која ни паѓа на ум кога ќе помислиме на витамин Ц, а оние кои само еднаш во организмот внеле преголема доза сигурно ги помнат симптомите што им се појавиле.

Витаминот Ц не служи само за јакнење на имунитетот, тој ја подобрува апсорпцијата на железото и на калциумот, а помага и против алергии, го олеснува слабеењето, важен е за добар вид, а утврдено е дека лицата чија исхрана содржи доволно витамин Ц, се за три пати повеќе заштитени од развој на артритис во однос на оние кои не консумираат доволно од овој витамин.

Последиците од преголеми дози, кои надминуваат над два грама дневно, велат нутриционистите се најчесто гастроинтестинални проблеми.

Симптоми кои се јавуваат при хипервитаминоза најчесто се појава на печење при уринирање, дијареа, гасови, болка во абдоменот, осип и мачнини.