Ружата со својата убавина и мирис се истакнува во бројни букети и речиси е секогаш на прво место како избор за посебни пригоди кога свеченоста и значењето на моментот треба да се истакнат со цвеќе.
Но кралица на цвеќињата има и лековити својства, бидејќи нејзините кадифени латици во себе ги кријат витамините А, Ц и Е, флавониди и други биоактивни соединенија.
Во народната медицина, исто така, се истакнува и како лек за црниот дроб и цревата, а во козметичката индустрија одамна е препознаен нејзиниот корисен ефект врз виталноста на кожата
Идеална е и како освежителен пијалак во претстојните топли месеци, чија подготовка не бара многу време и одлични кулинарски вештини, а во неа ќе уживаат и возрасни и деца поради особениот вкус и атрактивни бои.
Рецепт за сируп од ружи
- Наполнете три четвртини од сад од 5 литра со латици од ружи.
- Додадете 40 г лимонска киселина, па налејте вода речиси до врвот. Покријте со чиниче, не со капаче.
- Оставете да отстои десет дена на сонце. Процедете.
- Додадете шеќер (колку што има литри течност, толку кг шеќер се додава).
- Измешајте и оставете да стои во поклопен сад се додека не се стопи шеќерот.
- Сирупот се распоредува во стаклени шишиња и добро се затвора.
- Совет: Користете само домашни ружи, односно оние за кои сте сигурни дека не се прскани со пестициди. Идеални се мирисливите, во форма на грмушки, градинарски рози.
