Мајчината душичка е едно од најкорисните и најупотребуваните растенија, се користи при настинки, за елиминација на бактериите, има антисептички својства, ги намалува грчевите за време на менструацијата и помага кај бронхијалните болести. Исто така се користи за ублажување на кашлицата, но и против паразити.
Се препорачува за надворешна и за внатрешна употреба, па се користи како чај, зачин, масло, крем, тинктура или сируп.
Ова растение има многу лековити својства. Најважни се карвакрол, тимол, етерични масла, горчливи материи и флавоноиди кои помагаат во борбата против болестите, за кашлица. Во традиционалната медицина се користи со векови заради своите антисептички својства и позитивните ефекти врз дигестивниот систем.
Мајчината душичка е:
- антихелминтик – помага во третманот на паразитски црви,
- антиспазмотик – помага да се ублажат грчевите,
- карминатив – како средство против надуеност и гасови
- диафоретик – средство кое помага при испарување од кожата или препотување,
- дезинфициенс – помага при дезинфекција и чистење на површини,
- експекторант – го стимулира исфрлањето слуз од респираторните органи,
- седатив – служи за смирување,
- тоник – помага во лекување на акни.
- Како чај се користи за лекување на бронхитис, ларингитис, лошо варење, болна менструација, колика и мамурлак. Исто така е ефикасна во третманот на алкохолизам.
За надворешна употреба се користи за третирање на рани, мастити, инфекции на устата, грлото и на непцата. Етеричното масло се користи за смирување на стресот, но мора да се внимава при употребата бидејќи може да предизвика алергиски реакции.
