Личностите кои патат од инсомнија/несоница имаат многу поголеми шанси да заболат од кардиоваскуларни заболувања, покажуваат најновите студии. Научниците откриле дека кај личностите со генетска предиспозиција за инсомнија постои многу поголем ризик од застој на срцето, инфаркт и запушени крвни садови. Истражувањето се потпира на претходна студија која востановила дека постои врска меѓу проблемот со спиење и кардиоваскуларните заболувања, а според најновите откритија токму инсомнијата може да биде причина за овие заболувања.
„Истражувањето може во голема мера да помогне во спречувањето на појава на инфаркт и други срцеви заболувања, и тоа низ подобра контрола и решавање на проблемот на несоницата“, вели професорот Хју Маркус од Универзитетот во Кембриџ.
Клучен фактор во оваа студија е генетиката. Ако инсомнијата е наследна, што значи дека не е предизвикана од стилот на живот, стресот и други фактори, тогаш оваа состојба може да се лекува.
Постојат 250 генетски варијации врз основа на кои може да се заклучи за кој вид инсомнија се работи. Доколку се заклучи дека личноста има предиспозиции во некој животен период да се развие проблем со спиењето се предлагаат одредени чекори за да се заштитат од срцеви заболувања.
