Слатки, сочни и ароматични. Ги обожаваме!

Крушите се одличен извор на диетални влакна, антиоксиданти, минерали и витамини, кои се неопходни за оптимално функционирање на организмот

Слатки, сочни и ароматични. Крушите се крцкави како јаболко, а сочни како праски или нектарини. Поради своите хранливи вредности тие се дефинитивно еден од најпопуларните видови на овошје.

Крушите се одличен извор на диетални влакна, антиоксиданти, минерали и витамини, кои се неопходни за оптимално функционирање на организмот. Имено, 100 г круша содржи дури 3,1 г влакна. Редовната консумација на круши може да помогне во заштита од рак на дебелото црево, бидејќи поттикнува ослободување на токсините кои можат да предизвикаат развој на канцерогени клетки.

Крушите имаат малку калории. 100 г круша содржи само 58 калории. Високото количество на влакна во комбинација со ниската калориска вредност е она што може да го поттикне слабеењето и да го намали нивото на лошиот (ЛДЛ) холестерол. Тие се добар извор на витамин Ц и А, како и антиоксидативни флавоноиди (бета каротен, лутеин и зеаксантин). Одличен извор на бакар, железо, калиум, манган и магнезиум. Крушките содржат и витамини Б комплекс (фолна киселина, рибофлавин и пиридоксин).

Крушите јадете ги додека се свежи, бидејќи тогаш имаат најдобра хранлива вредност. Зрелите круши можете да ги држите во фрижидер неколку дена

Од сите видови на овошје, крушите во најмал број на случаи предизвикуваат алергиски реакции. Поради тоа се препорачуваат на лица кои се алергични на голем број намирници. Во традиционалната медицина многу често се користат за ублажување на симптомите на колитис, артритис и гихт.

Крушите многу често се користат за превенција и ублажување на следните состојби:

  • забавена работа на системот за варење,
  • пролив,
  • мачнина,
  • нарушувања на работата на црниот дроб,
  • грчеви,
  • грозница,
  • запек,
  • задржување на течности.

Избор

Изберете свежи круши, во светли бои и цврсти на допир. Избегнувајте ги крушите што имаат вдлабнувања. Некои видови на круши на кората имаат рапави точки, кои се сосема сосема прифатливи и нормални. Крушите кои не се сосема зрели држете ги на суво место на собна температура. Зрелите круши се меки на допир и се подготвени за јадење.

Подготовка и сервирање

Крушките добро измијте ги со течна вода за да ја отстраните сита нечистотија и штетни хемиски состојки. Со оглед на тоа што неколку хранливи соединенија се наоѓаат веднаш под кората на крушките, се препорачува да се јаде и кората (доколку се органски). Крушките се одлични за подготовка на џемови, овошни салати, смути и кашички за бебиња.