Одделни растителни чаеви претставуваат одлично помошно средство за ублажување на дигестивните тегоби како што се мачнина, киселина, забавено варење, запек и сл. Тоа се, пред се:
Чај од нане – го поттикнува варењето и помага кај мачнини, а истражувањата покажале и дека капсулите со масло од нане ги ублажуваат симптомите на иритабилен колон.
Чај од камилица – помага кај лошото варење, вишокот киселина во желудникот, гастритисот и мачнините. Исто така, делува лаксативно, па го олеснува празнењето на цревата.
Чај од анасон –ги ублажува надуеноста и гасовите во цревата, помага кај запек и во превенција од чир на желудникот.
Црн чај – содржи теарубигини, соединенија кои помагаат кај лошто варење и теафлавини кои штитат од чир на желудникот.
Чај од ѓумбир – благодарение на бројните активни состојки ѓумбирот помага кај лошото варење, мачините, грчевите и гасовите во цревата.
