Со храната случајно сте голтнале и мувла: Што сега?

Сите тоа сме го направиле. Добро, повеќето од нас. Јадејќи сендвич сте воочиле мала зелена точка, но токму во момент да биде предоцна. Сте изеле мувла. Што сега?

Немојте веднаш да се избезумите.

Д-р Рудолф Бедфорд, гастроентеролог во Здравствениот центар Провиденс во Санта Моника, Калифорнија објаснува дека најверојатно ќе бидете сосема добро, но има ситуации кога можете да се разболите.

Оние со добар имун систем главно ќе можат да ја сварат мувлата како и храната, вели според своето искуство д-р Бедфорд. Тој објаснува дека желудникот е сурова средина и повеќето бактерии и габи не можат да преживеат во него. Меѓутоа, некои луѓе може да почувствуваат мачнина, грчеви и повраќање. Ако овие симптоми се влошат, време е да се обратите на лекар.

Иако д-р Бедфорд вели дека е мала веројатноста дека ќе се разболите од внесувањето малку мувла, постои одреден вид на микотоксини околу кои треба да бидете внимателни. Ако се консумираат или вдишуваат во големи количини, тие можат да бидат токсични и да предизвикаат смрт. Тие обично се наоѓаат во јаткастите плодови и житарките, но можат да се најдат и во други различни намирници.

Иако ова звучи застрашувачки, лекарите сепак потенцираат дека мали количини на митотоксини веројатно нема да им наштетат на оние со здрав имунитет. Вообичаено токсините се создаваат дури кога мувлата достигнува зрелост и кога условите се соодветни.