Со истражувања потврдена лековитоста на ракијата

Под умерено пиење се подразбира една до две чашки кои содржат 10 грама алкохол, што одговара на една кригла пиво, чаша вино или чашка жесток пијалок, а за трудниците не се препорачува.

Во народот од секогаш постои верување дека ракијата е многу лековита и дека по некоја чашка од овој жесток пијалок поволно влијае на здравјето, што потврдиле и некои медицински истражувања. Тие покажале дека умереното консумирање на алкохол го зголемува добриот, а го намалува нивото на лошиот холестерол, како и дека оние кои умерено го користат овој пијалок, поретко заболуваат од кардиоваскуларни болести – инфаркт на срцето, срцеви болести, покачен крвен притисок и шлог.

Една чашка ракија лекува воспаление на внатрешниот ѕид на крвниот сад во кој се наоѓа масна наслага која може да предизвика пукање и срцев удар, а исто така го забавува и создавањето на тромб и го забрзува негото разложување, ако веќе постои.

Под умерено пиење се подразбира една до две чашки кои содржат 10 грама алкохол, што одговара на една кригла пиво, чаша вино или чашка жесток пијалок, а за трудниците не се препорачува. Од друга страна, ако се зема често поголема доза на алкохолни пијалоци, тогаш дејството е штетно, бидејќи може да го оштети срцевиот мускул и да доведе до грчење на периферните крвни садови.

При долгогодишно секојдневно пиење на поголеми количини, од 80 грама, или осум чашки ракија, може да дојде до задебелување и зголемување на срцевиот мускул, што е почесто кај жените. Истовремено доаѓа до покачен крвен притисок и појава на артериска хипертензија.