Со правилна исхрана до здрави бубрези

Хроничната бубрежна болест често е подмолна и болните не забележуваат никакви пречки до последниот стадиум на болеста.

За здравјето на бубрезите од голема важност е намалувањето на внесот на сол и на шеќер, а пожелно е да се практикува физичка активност и да се откаже пушењето. Здравата исхрана, исто така, е клучна. Ова се препорачаните намирници sо цел на превенција на болеста.

Лукот е одличен избор бидејќи има силни антвоспалителни својства и можности на намалување на холестеролот. Со оглед на неговиот силен вкус не е потребно да се додава сол во оброците, што е исклучително важно за здравјето на бубрезите.

Зеленчукот како брокулата, карфиолот и кељот е полн со влакна, витамин Ц и К кои им требаат на бубрезите за да функционираат. Кељот сепак се смета за ѕвезда бидејќи е одличен извор на железо, бета каротен и калциум. Додадете го во јадењата, овошните сокови, па дури и во чаевите.

Магдоносот е една од намирниците која ги чисти бубрезите од сите токсини. Можете да го комбинирате со сите јадења, а најдобро е од него да направите чај.

Рибата како сардина и лосос е полна со здрави масти, а возрасните лица со дијабетес кои редовно консумираат риба можат значително да го намалат ризикот од појава на болести на бубрезите, потврдува една британска студија.

 

Брусницата е богата со антиоксиданти, кои се познати по тоа дека позитивно делуваат на разни болести. Тие содржат киник кој ги исфрла киселините од бубрезите.