Сок од црвен грејпфрут, одличен за слабеење, но и за свеж тен

Цитрусите изобилуваат со органски киселини, бета каротен, пектин, терпен, калциум оксалат и имаат мала енергетска вредност

Сокот од црвениот грејпфрут важи за еден од најдобрите намирници кои го одложуваат стареењето. Генерално, сите цитруси ги чуваат ткивата и ги јакнат крвните садови, а кожата ја прават помека. Изобилуваат со органски киселини, бета каротен, пектин, терпен, калциум оксалат и имаат мала енергетска вредност, па се идеални за сите кои сакаат да ја намалат телесната тежина.

Сокот од грејпфрут е на листата задолжителни намирници кај диетите заради тоа што поттикнува топење на масните наслаги. Од тие причини е добро да се воведе во секојдневната рутина. Црвениот грејпфрут е најголемиот плод меѓу цитрусите и има горко-освежителен вкус. Одлично делува на масната кожа со акни, заради тоа што содржи многу АХА киселини. Богат е со витамини Ц и Б, а особено содржи фолна киселина, заради што се препорачува и на бремени жени и деца. Содржи и минерали, особено калиум, калциум, фосфор и железо.