Сокови кои ќе ви го разбудат мозокот

Нема ништо подобро од тоа денот да го почнете со свежо подготвен сок.

Она што е важно е сокот кој наутро ќе го подготвите со цедење на одредено овошје или со блендирање и додавање на зеленчук, да го испиете најдоцна за половина час.

Морков и ѓумбир

Во соковник ставете два моркова и парче ѓумбир.  Можете да додадете и парче сезонски зеленчук или половина јаболка. Сокот од морков содржи бета каротен, фолна киселина, витими Ц, Б и Е, калиум, фосфор и магнезиум. Богат е и со витамин А кој го стимулира растот на клетките и нивната делба, ја нормализира размената на материите и хемиската рамнотежа во организмот. Бидејќи во сокот од морков има доста шеќер, не треба да се пие во големи количини и најдобро е да се разреди со вода. За поголема нутритивна вредност додадете една лажичка сусам или матичен млеч.

Спанаќ и краставица

Исцедете четвртина зелен лимон и ставете го сокот во блендер заедно со една краставица, едно големо стебленце целер и две раце спанаќ. Додадете две лажици пченична трева или мешавина од било кои семиња. Зачинете со малку химајалска сол, црн бибер и црвена лута пиперка во прав. Блендирајте додека не се изедначи смесата. По желба зачинете повторно. Спанаќот е нискокалоричен, содржи железо и витамини А и К. Овој зеленчук ја убива желбата за јаглехидрати и го намалува апетитот.