Претераното консумирање сол предизвикува зголемување на крвниот притисок и поттикнува кардиоваскуларни болести, инфаркт и мозочен удар, но поврзано е и со други хронично-дегенеративни болести, како карцином на дигестивниот систем, остеопороза и хронични болести на бубрезите.
Ограничувањето на употребата на сол е корисно, но недоволно ако се земе предвид дека голем дел од солта што ја консумираме секојдневно доаѓа од прехранбените производи на пазарот, од леб до сирења.
Понекогаш и од одредени намирници за кои воопшто не се сомневаме, а тоа се:
- Топло чоколадо
Кога размислувате за убава топла шолја чоколадо, првото нешто што ви паѓа на ум е шеќерот. Но, чоколадото содржи и многу сол, чиј вкус очигледно го крие шеќерот.
- Житарки за појадок
Една порција пченкарни снегулки содржи 0,34 грама сол, која ја има и во послатките житарки, како оние со карамела.
- Готови салати
Непотребно е да се каже дека најдоброто решение е сами да си направите салата дома. Ова уште повеќе важи ако се земе предвид дека некои готови салати содржат многу сол.
- Мајонез
Мајонезот исто така содржи премногу сол. Можеби не е меѓу најсомнителните производи, а најчесто се поврзува главно со голема количина на маснотии. Како и секогаш, советот е да го подготвите дома.
- Хумус и крем сирење
Сирењето секако е вкусна храна, а оној кремастиот уште повеќе. Хумусот купен во продавница содржи и премногу сол. Подобро е да го подготвите дома за да биде богат со зачини и мириси наместо со сол, нели?
Што друго може да се направи за да се намали потрошувачката на сол?
– секогаш читајте ги декларациите
– изберете намирници кои содржат помалку, по можност малку сол, односно помалку од 0,3 грама на 100 гр
– намалете ја солта на трпезата, дадете приоритет на зачините и ароматичните билки
– намалете ја преработената храна богата со сол (солени грицки, чипс, одредени салами и сирења, конзервирана храна).
