Благодарение на солзите го намалуваме или отстрануваме стресот, па брзо се чувствуваме подобро, но и го спречуваме развојот на инфекции. Постојат три вида солзи. Плачењето предизвикува сожалување и сочувство, со кои полесно се решаваат меѓучовечките односи. Затоа можеме да го наречеме и одбранбен механизам. Луѓето обично избегнуваат да напаѓаат личност која плаче.
Посветете внимание
Плачењето е прекинувач кој ни сигнализира да се повлечеме. Кога плачат, на луѓето често им тече носот, а тоа се случува затоа што солзите излегуваат низ носот. Едно истражување покажало дека жените плачат два до пет пати, а мажите еднаш месечно. Солзите радосници не се многу поразлични од оние кои „течат“ од тага или болка. Откако телото ќе се возбуди, тоа е начин да се врати во првобитната состојба.
Солзите се неопходни за подмачкување и јасен вид. Со секое трепкање на капаците солзите ја прекриваат предната површина на окото. Заради недоволно лачење солзи се јавува суво око, а од него патат повеќе од 75 проценти од старите жени. Често се јавува и кај луѓето кои носат леќи, работат во климатизирани простории и кај оние кои често се пред компјутер. Во полесните случаи терапија се вештачките солзи.
Солзни жлезди
Се наоѓаат во надворешниот дел од горното око, а кога ќе се произведе вишок солзи, тие низ малите канали се носат во носната шуплина.
Три вида солзи:
- Базални – ја чуваат влагата во окото и го одржуваат здраво;
- Рефлексни – се јавуваат кога окото се штити од надворешните влијание (на пример, кромид или чад);
- Емотивни – за решавање на стрес и сигнализирање опасности.
