Течење нос, главоболка, затнат нос, кашлица, кивање и останатите симптоми на настинка може да предизвикаат се поголемо чувство на замор и исцрпеност на телото. Иако настинката е безопасна, и трае околу две недели, освие симптоми можат негативно да влијаат на секојдневието.
Најдобро што може да направите за да ја стопирате настинката е зајакнување на имунитетот и превенција.
Но, ако сте почнале да чувствувате симптоми на настинка и очекувате нивно влошување, постојат неколку начини со кои можете да ја стопирате настинката и да се заштитите од полоши состојби кои таа може да ги предизвика, како воспаление на белите дробови, грлото, синусите и слично. Затоа придржувајте се кон овие совети ако сакате да го заштитите здравјето и да го зајакнете имунитетот.
ОСТАНЕТЕ ХИДРИРАНИ. Вода, сок, супа со зеленчук или топла вода со лимон и мед, помагаат да се сспречи дехидрација.
ИСПИРАЊЕ НА ГРЛОТО СО ВОДА И СОЛ. Солената вода го намалува воспалението во грлото и ја чисти слузницата. Со испирањето се намалуваат и штетните бактерии и вируси во грлото, што може да помогне при ублажување на симптомите или целосно да ја спречат настинката.
ДОВОЛНО СОН. Факт е дека неквалитетното спиење му штети на имуниот систем. Ако почувствувате дека ќе настинувате, погрижете се добро и квалитетно да се наспиете.
ИСХРАНАТА Е КЛУЧНА. Овошје, зеленчук, интегрални житарки… тие се богати со големи количини на антиоксиданти кои се клучни за обновување на клетките и јакнење на имуниот систем. Тие го минимизираат стресот на имуниот систем за да може поефикасно да се бори против инфекциите.
