Негата на кожата со билни масла е најповолен и наприроден начин кожата да ја одржите млада, хидрирана, чиста и здрава. Со природните билни масла можете да решите многу дерматолошки проблеми со мала упорност.
ШТО СЕ ПРИРОДНИ БИЛНИ МАСЛА
Пред се, мора да се знае дека билни и етерични масла не е исто. Етеричните масла се збир на природни супстанци од билките добиени со дестилација. Многу се концентрирани, а кога се користат самостојно на кожата може да предизвикаат иритација. За разлика од нив, природните билни масла се масти добиени од плодот, семките или другите делови на билката.
Природните билни масла може да се користат самостојно и многу се ефикасни. Во ароматерапијата овие масла често ги нарекуваат базни, бидејќи служат како база за додавање на етерични масла.
Масла за масна и мешана кожа
Не треба да се плашите да нанесете масло на мрсна или мешана кожа. Природните масла ја подобруваат еластичноста, ќе ве ослободат од себумот и ќе ги отстранат пигментациските флеки или лузните од акни, што е чест проблем кај мрсната кожа.
Користете масло од лешник. Ги собира порите и е одлично за третирање на акните. Има подмладувачки ефекти на секаков тип на кожа и е едно од ретките масла кое содржи УВ заштита и делува како антиоксидант.
Маслото од сончоглед ќе ги реши проблемите со проширени пори. Познато е дека порите на мрсната кожа се пошироки во однос на нормалната или сувата кожа. Затоа често знаат и да се затворат со нечистотии. Ова масло ќе ја прочисти кожата.
Аргановото масло е познато по негата на косата, но тоа многу помага и во лекувањето на мрсната кожата. Богато е со витамин Е, незаситени масни киселини, и каротени. Аргановото масло брзо се вива и е лесно, а на мрсната кожа ќе и даде природен сјај.
Маслото од јојоба на кожата ќе и даде влага и еластичност, а истовремено ги лекува и акните.
Сите типови кожа
Маслото од авокадо е богато е со витамини А, Д и е, содржи калиум, кој во фармацијата е познат како минерал на младоста, изобилува со бета каротен и незаситени масни киселини. Истражувањата покажале дека ги отстрануваат пигментациските флеки, пегите, оштетувањата од сонце и лузните. Значително го зголемува производството на колаген. Со ова масло може да ги негувате кожата на лицето, телото и косата.
Сува и зрела кожа
Бадемовото масло брзо ќе ја смири иритираната кожа, па сувата кожа наскоро ќе стане мека и нежна. Сувата кожа често е склона на чешање и отоци, а маслото од бадем ќе ги спречи овие непријатни појави. Како што покажуваат некои истражувања, бадемовото масло е одлична заштита од штенините влијание на сонцето, кои предизвикуваат карцином на кожата и го забрзуваат нејзиното стареење.
За зрела кожа најефикасно е маслото од дива роза бидејќи ги затегнува брчките, ги отстранува пигментациските флеки и е многу хранливо. Ова масло ќе им помогне и на пушачите да го вратат убавиот тен на кожата.
КОРИСТЕЊЕ НА ПРИРОДНИ МАСЛА
Прво темелно измијте го лицето со производ кој не соржи алкохол. На рацете накапете го саканото масло (потребни се само неколку капки), па внимателно измасирајте ја кожата. Оставете 10-тина минути да се впие. Со марамица отстранете го вишокот. Постапката повторувајте ја секое утро и навечер.
