Сите кои се позитивни на КОВИД-19 не мора да побараат лекарска помош. Млади, инаку здрави лица без коморбидитети кои имаат благи симптоми може да се опорават дома.
“Повеќето случаи на КОВИД-19 всушност се решаваат без потреба за лекови на рецепт или напредна нега“, објаснува д-р Мелани Свифт од Клиниката Мајо, наведувајќи неколку домашни совети за заболените од КОВИД-19.
Ако имате благи симптоми, советува д-р Свифт, одморајте се, пијте многу течности и може да земете безрецептни лекови за симптоми на треска, односно покачена телесна температура. Таа вели дека е важно да бидете сигурни дека благите симптоми не напредуваат во оние кои може да бараат лекарска помош.
ПОТЕШКИ СИМПТОМИ
“Доколку откриете дека имате проблеми со дишењето, мора да побарате лекарска помош. Болка во градите, или притисок во градниот кош, е уште една причина да побарате лекарска помош, како и ако се чувствувате збунето или зашеметено, или ако се чувствувате како да можете да се онесвестите. Исто така, ако нивото на кислород многу ви се намали, а вие или други лица забележуваат дека изледате многу бледо или дури накај сино, особено усните или врвовите на прстите, тоа е знал дека имате потреба за повеќе кислород и дека мора веднаш да отидете во болница“, вели д-р Свифт.
Одредени лица ќе мора да се обратат на својот лекар ако се позитивни на КОВИД-19 и земаат некои лекови поради своите други хронични болести. Многу хронични болести може да се влошат по инфекција со коронавирус и ќе биде потребно лекување, па ако сте направиле домашен тест, а инаку боледувате од хронични болести, јавете се кај вашиот лекар, дури и тогаш ако симптомите на КОВИД-19 се благи и се лекувате дома. Повеќето луѓе сепак може да останат дома, да се грижат за себе, да се одмораат и да останат добро хидрирани.
