СПОРЕД АМЕРИКАНСКИТЕ СТРУЧЊАЦИ: Вакцинираните не треба да бидат во карантин по изложеност на лице заразено со КОВИД-19

Лицата кои примиле полна доза на вакцини против КОВИД-19 може да ја избегнат стандардната постапка од 14-дневен карантин по изложеноста од заразено лице, се додека останат асимптоматски, советуваат американските стручњаци за јавно здравје.

Американскиот центар за контрола и превенција на болести (CDC) објави дека се покажало оти вакцините спречуваат симтпоматски КОВИД-19, за кој се смета дека има поголема улога во преност на вирусот од асимптоматските инфекции.

“Индивидуалните и општествени придобивки од избегнувањето на непотребен карантин може да го надминат потенцијалниот, но непознат ризик од пренесување (меѓу вакцинираните лица), истакнуваат од CDC.

Агенцијата одреди строги критериуми за лицата кои по вакцинирањето повеќе не би требало да бидат во карантин (изолација), вклучувајќи примање на двете дози од две дози.

Комплетно вакцинираните лица кои не одат во карантин мораат и натаму да внимаваат на симптомите, 14 дена по изложеноста на вирусот.